EIDE, Asociacion de Diseñadores de Euskadi

Joan den urtarrilaren 30ean, Getxon bildu ginen hogeita hamar bat pertsonarekin, haietako batzuk bizitzaren azken etaparen inguruan jarduten duten elkarte edo erakundeetakoak, heriotza onerako gure lehen elkarrizketa izateko.

Jardunaldi honetan, konfiantzazko giroa sortu zen, heriotzaren inguruko istorioak, bizipenak, sinesmenak… partekatu zituzten 30 parte-hartzaileen eskuzabaltasunean eta ausardian oinarrituta. Oinarri bikaina da, diseinutik eta sektore sortzaileetatik abiatuta, bizitzako etapa honetan gure behar intimoenetara hurbilago eta konektatuago dauden planteamenduak egin ahal izateko.

EgunOn Magazine saioan Nora Inoriza eta Marina Blazquezi Lander Balzarekin batera egindako elkarrizketan Herri Irratiak jaso zuen bezala, lehen topaketa honen helburuetako bat pertsonak erdigunean jartzea zen, haien istorio eta behar intimoenak entzutea, eta horretarako, aurrez, gutunak trukatzeari ekin genion, esperientziak, bizipenak, sentimenduak… partekatzeko, eta horrek une paregabea sortu zuen, gertutasunan eta errespetuan oinarrituta.

Aurreko elkarrizketetan eta faseetan gertatu bezala, saioan zehar batzuek galdetu zuten ea zer zerikusi zuen horrek guztiak diseinuarekin. Proiektuaren funtsezko zati bati dagokion galdera garrantzitsua, gure kide Norak oso ondo erantzun zuena:

«Ba, presente egon da denbora guztian. Diseinua ere pentsatzea eta pentsaraztea da, ikuspegi eta leku desberdin batetik, hitz, material, irudi, xehetasun… bakoitza diseinatuz, jada existitzen direnetatik harago doazen aukerak sor daitezen… planorik funtzionalenetik ateratzen direnetatik, jada badauzkagunetatik eta bizi ditugunetatik… eta ez dira nahikoak».

Premisa horrekin dator «BAGARA» izeneko bigarren topaketaren deialdia. Oraingo honetan, diseinuaren, arkitekturaren, arteen eta abarren arloko profesionalei zuzenduta dago, bai eta bizitzaren azken etaparako aukera horietan interesa duen kultura- eta sormen-sektoreko edozein pertsonari ere.

Topaketa hau 2 orduko lan-saio bat izango da. Bertan, lehenengo topaketan lortutako ikaskuntzak partekatuko ditugu, eta produktu, zerbitzu, narratiba, espazio… berri eta hobeak sor ditzaketen aukera berriak esploratzen zentratuko gara, bizi-amaiera modu gizatiarragoan eta tabu gutxiagorekin ikusteko aukera emango dutenak.

📅 Noiz: Otsailak 20
📍 Non: Getxo Elkartegia (Ogoño kalea, 1)
⏰ Ordua: 11:30 a 13:30*

👉 Izen ematea hemen: https://d8lloggblw9.typeform.com/to/iCymAKF5

*Gainera, nahi izanez gero, bazkaltzeko gera zaitezke beste parte-hartzaile batzuekin. Bazkaltzera joanez gero, otsailaren 13a baino lehen konfirmazioa behar dugu bazkari horretan leku bat ziurtatzeko.

Bitartean, ahoa irekitzeko, material eta erreferentzia interesgarri batzuk kontsulta ditzakezu:

• HEMEN proiektuaren deialdi orokorra
• HEMEN entzun dezakezun Herri Irratiko elkarrizketa
• HEMEN lehen topaketaren irudi bilduma Flickr-en
• HEMEN Mikel Agirregabiriaren artikulu bat proiektuari buruz