EIDE, Asociacion de Diseñadores de Euskadi

EIDEk, Gipuzkoako Foru Aldundiaren laguntzarekin, Errenterian (Gipuzkoa) aurkeztu du T(Im)P, tresna digital bat, operatibo errazekoa, enpresei eta erakundeei “diseinutik ziurgabetasuna nabigatzen ikasteko” balio diena. Tresna eskuragarri dago: designstorms.eidedesign.eus-en.

T(Im)P EIDE DESIGN VISIONS proiektutik sortu da, profesionalek eta enpresek egungo indar eraginkorrenetako biren bat-egitearen inguruan hitz egiteko eta esperimentatzeko gune bat sortzeko. Bi indar horiei egin behar diete aurre erakundeek: iraunkortasunari eta digitalizazioari.

Diseinuaz baliatuta, tresna digital berritzaile hau erabiltzen dutenek inspiratzailea, eraldatzailea, eragingarria eta mugiarazlea izango den ikuspegi komun bat lortzea bilatzen da, bai haiek lehen pertsonan, bai haien enpresa edo erakundea mugiaraziko dituena.

T(Im)P intuitiboa da eta ez da batere zurruna, konbinazio ugari ahalbidetzen dituen interfaze bati esker. Bere kontzeptualizazioa eta edukia, Gipuzkoako Foru Aldundiko Ekonomi Sustapen Departamentuaren laguntza duten «Tormenta (Im)Perfecta» eta «Minitormentas (Im)Perfectas» proiektuen esparruan egindako aldez aurreko lan-saio ugariren emaitza dira.

4 eremu, 10 palanka

T(Im)P-n sartzean, lau Gogoeta- eta ekintza-eremu eta eraldaketarako hamar palanka dituen menu bat aurkituko duzu. Batzuen eta besteen hautaketatik, nahi bezala konbinatu daitekeena, askatasun osoz, bi galdera sortuko dira beti, bakoitzak bere argibide eta guzti, hausnarketa eta eztabaida ekarriko dutenak.

• Lau eremuak honako hauek dira: Ikuspegi eta ekintza kolektiboa; Etorkizuneko ikuspegia; Ikuspegi eta ekintza sistemikoa; eta Altruismoa, hezkuntza eta etika.
• Eta hamar Palankak: Planeta erdigunean; Digitalizazioa asmo zehatzarekin; Negozio jasangarri eta errentagarria; Perspektiba globala, tokiko ekintza; Ongizatea eta gobernantza; Transbertsala eta transgenerazionala; Hitz egitea, lankidetzan aritzea eta elkarrekin sortzea; Malgutasuna eta iterazioa; Motibazioa, ikaskuntza eta talentua; eta Desiragarritasuna eta erakarpena.

Aukerak sortzea, balio diferentziala

T(Im)P EIDEren ekimena da, eta Gipuzkoako Foru Aldundiko Ekonomia Sustatzeko Departamentuaren laguntza izan du, “Gipuzkoako 2023ko enpresa-ehunaren aukerak sortzea, balio diferentziala eta iraunkortasuna sustatzeko programaren” bitartez. Tresna digital hau “gaur egun eragin handiena duten indarretako bi (iraunkortasuna eta digitalizazioa) bat-egitearen inguruan hitz egiteko eta esperimentatzeko espazio bat da. Helburua da, diseinuaren begiradaren bidez, ikuspegi komun bat lortzea, inspiratzailea, eraldatzailea, eragingarria eta mugiaraziko gaituena… “.

T(Im)P-ren aurkezpena Agustinak Zentroan egin da. Gune hori duela gutxi inauguratu da Errenterian, ekintzaileei eta kultura- eta sormen-industrietako proiektuei eskainita. Oarsoaldea Eskualdeko Garapen Agentziak kudeatzen du, eta EIDEk lankidetza-hitzarmena sinatu du harekin.